انا المصري
كرامتي مهانه
رجولتي مهانه
حتي اسمي كمصري اتهان
واما اعترضت................
بقيت انا الشهيد
أنا شاب مصري خرجت أرجع كرامتي
كنت فاكر اني من حقي الكلام
كنت فاكر انهم بيعتبروني انسان
كنت فاكر انهم اهلي
كنت فاكر ....كنت فاكر...كنت فاكر
نزلت الميدان, أخدني الحماس لما لقيت الظلم انتشر
أعمل ايه ما انا مصري يعني انا الرجوله انا الشموخ
قولت لا محدش سمع
قولت لاااااااااااااااااا بأعلي صوت ومكنتش اعرف انه اخر صوت
وبكل بساطه لقيت رصاصه اخترقت جسدي والصدمه...........
انها من مصري من مصري
قولت كفايه عليا أنا عشت كتيييييييييييييييييير مهو انا مواليد 90
كنت فاكر ان قدامي في الدنيا لسه مشوار طويل
لكنهو استكتروا فيه الحياه.......فضلوا يهينوا ....... فضلو يزلوا
ولما قولت اااه كان الثمن هو الحياه
قولت حياتي هتكون تمن التغير
ورويت ترابك يا بلدي بدمي
وفارقت ارضك وانا ماليني الشوق ليكي
لكن يا بلدي روحي حواليكي
ان كانوا قتلوا جسدي فروحي ليكي
فضلت اراقبك من فوق
ومستني حقي ومستني كرامة ولادك ترجع
شوفت مهازل
شوفت شفت اخواتي كانوا رخاص
وزي تمام روحهم بتنداس
فضلت روح ورا روح بتخرج
لحد ما جا يوم الحريه
قولت لكل الكون انا مصري وروحي مكنش تمنها بلاش
ولقيت اسمي في كل مكان
وبقت كل الناس تعرفني
وبقيت قدوه لكل العالم
لكن..............
الفرحه مكتملتش.......
حق اهلي راح بلاش واتبهدلوا وسط المحاكم عايزين حق الشهيد,,عايزين حق الشهيد عايزين دم ابني واخويا
لكن واضح ان دمي لسه رخيص
وفضلتوا تأجلوا في التغير وكانت النتيجه
رصاص الصهاينه في قلب اخواتي
قتلوا اخواتي فاضل ايه ؟؟؟؟؟؟؟؟ حد يقولي فاضل ايه؟؟
اديكوا ساكتين
بصوا خلااااااااااااااااااااااااااااااص
حقي امانه في ايد كل المصرين ان مدافعتوش عن الحريه .......... يبقي انا قتلني الملاين قتلني الملاين